Í oktobur 2017 gav Lea Kampmann út fyrstu útgávu sína. Útgávan fekk heitið, Common Blue, og varð kosin at vera ein av fimm teim bestu føroysku útgávunum í 2017
Við Common Blue sleppur lurtarin á eina ferð inn í innastu hjartakømurini hjá ungu tónlistakvinnuni., har evni sum fánaður kærleiki, trúgv og vón verða viðgjørd. Tonleikaheimurin hjá Leu er droymandi og róligur, og í mótsetninginum millum myrkur og ljós kennist tað sum lurtarin sveimar inn í tónleikin. Orðini eru eyðmjúk og innsíggin, og royna tey saman við bleytu tónunum at skapað og finna kosmos í kaos.