Vit eru errin at boða frá, at Nelson Can verður á G! 2018. Danski trýkvinnubólkurin skapað rokkfyltan punk-funk.
Tær hava fingið dyggan stuðul frá bædi donskum og føroyskum útvarpi, umframt at hava verið spældar á BBC Radio 1og BBC Radio 6 í Bretlandi.
Við einum alternativum og nýskapandi ljóði við fáum ljóðførum minna tær um bólkar sum White Stripes og Black Keys. Fangandi løgini hjá gentunum og grundvallarráa orka teirra hevur fangað lurtarar kring heimin, eins tær hava fingið sera góð altjóða ummæli.
“Ýlandi post-punk skittúlmandi bringuhugtakandi.” NME
“Við einans mikrofon, bassi og trummum píska tær ígjøgnum sína punkfunk minimalismu við hugtakandi stammuharðleika.” Rolling Stone