Føroyskur undirgangsmálmur er eitt sterkt ljóðunivers og verður hetta ein partur av G! 2018.

Yvir eitt tíggjuáraskeið hevur bólkurin Hamferð skapt sín framúr og serstaka tónleik, ið hevur røtur í inniligum konseptuellum frásøgnum við sorgarleika sum eitt afturvendandi evni. Bólkurin finnur íblástur í tí føroyska náttúruumhvørvinum eins og føroyska mentanararvinum. Føroyskt mál, søga og søgn verða blandað saman við stórfingnum huglagi, eitt vørumerki ið hevur vunnið bólkinum heimsumfatandi viðurkenning.

Bólkurin gav út sína triðju útgávu, “Támsins likam”, í byrjanini av árinum gjøgnum Metal Blade Records. Útgávan granskar bæði deyða og tað at missa við føroyskari mentan og mytologi sum rammu fyri evnunum. Útgávan er harafturat eitt hápunkt av mongum árum av mennandi tónasmíðjan, við einum ynski um at útbyggja eitt serstakt ljóð. Bólkurin hevur júst veri á evropeiskari konsertferð og í summar verður høvi at hoyra nýggja tilfarið á G!