Tað er ein stór fragd at boða frá, at G! aftur í ár bjóðar Silvurdrongi á pall. Føroyska hipp hopp verkætlanin, hvørs oddamenn eru Trygvi Danielsen og framleiðarin, Per I. Højgaard. Sum Trygvi sigur, so kann tónleikurin hjá Silvurdrongi best flokkast sum orðasongur. Hann sigur: ’Málið er kjarnan í tónleiki, og orð kunnu verða sungin einsamøll – uttan ljómandi ræddir ella fylgiskap frá nøkrum ljóðføri.’ Flokkað Silvurdrong sum verandi hipp hopp, tripp hopp, spoken word, ella okkurt fjórða. Tónleikurin er ein viðmerking til menniskjaligu støðuna, menniskjaligu sambondini, meðan hann samstundis savnar seg um sjálvt málið: ’At spæla vid orðum, umskipa, endurskapa, uppafturlívga og endurkanna málið og nýtsluna av tí.’ Songurin ferðast frá myrkum/grýnutum til lætt/popput og alt tað, sum liggur har ímillum, uttan at missa tað skemtiliga, tað løgna, ta lyrisku styrkina og orkuna á pallinum.

Trygvi skrivar og framførir á føroyskum. Hann sigur: ’Føroyskt er mítt mál. Tað er mín tunga, mín háttur at hugsa… Eg má skriva á tí máli, sum kemur náttúrliga til mín. Tað gevur onga meining fyri meg at spýta í ovurstóra havið av enskum klisjeum.